Քանի տարի է պահանջել դատախազը Ոսկանյանի համար

Բաքվում գերեվարված Գագիկ Ոսկանյանի համար դատախազը 18 տարվա ազատազրկում է պահանջել։

Ըստ մեղադրանքի՝ «սույն թվականի օգոստոսի 16-ին Հայաստանի զինված ուժերի հետախուզադիվերսիոն խմբի կողմից խախտվել է Ադրբեջանի Հանրապետության պետական սահմանը՝ դիվերսիոն-ահաբեկչական գործողություններ իրականացնելու նպատակով»,- փոխանցում են ադրբեջանական լրատվամիջոցները:

Հիշեցնենք, որ Ոսկանյանը մեղադրվում է օգոստոսի 16-ին «Ադրբեջանի պետական սահմանը խախտելու և ահաբեկչական և դիվերսիոն գործողություններ իրականացնելու փորձի» համար։ Հիշեցնենք, որ այս տարվա օգոստոսին Ադրբեջանի դատախազությունը հայտնել էր ՀՀ պահեստազորային Գագիկ Ոսկանյանի հետ կապված քրեական գործ հարուցելու և նրան կալանավորելու մասին։