«Հրեշավոր ահաբեկչություն». Պեսկով

Ուկրաինայի ԶՈւ-ի կողմից Դոնեցկի քաղաքացիական ենթակառուցվածքներին և մարդկանց հասցված հարվածները հրեշավոր ահաբեկչություն են։ Այս մասին լրագրողներին հայտարարել է ՌԴ նախագահի մամուլի քարտուղար Դմիտրի Պեսկովը։

«Կիևյան ռեժիմը շարունակում է ցուցադրել իր կենդանական դեմքը` նրանք շարունակում են հարվածել քաղաքացիական ենթակառուցվածքներին։ Նրանք թիրախավորում են մարդկանց, քաղաքացիական բնակչությանը։ Այն հարվածը, որը եղել է նախօրեին Դոնեցկի առևտրային շարքերի ուղղությամբ, հրեշավոր ահաբեկչական ակտ է, քանի որ կիրառվել է կամայական զենք, որը մեծ քանակի զոհերի է հանգեցրել», - ասել է Պեսկովը։

Հունվարի 21-ի առավոտյան Ուկրաինայի ԶՈւ-ն հարվածել է Դոնեցկին։ Հրետանային կրակի տակ է մասնավորապես հայտնվել Տեկստիլշչիկի միկրոշրջանում գտնվող շուկայի տարածքը։ Ինչպես հայտնել էր ԴԺՀ-ի ղեկավար Դենիս Պուշիլինը, քաղաքացիական 28 անձ է զոհվել, ևս 30 մարդ տարբեր աստիճանի ծանրության վնասվածք է ստացել, այդ թվում՝ 2 դեռահաս։