Այսուհետ ՀՀ-ում եղանակի, սպասվող վտանգավոր երևույթների մասին կարող եք իմանալ զանգահարելով կարճ հեռախոսահամարի

Այսուհետ հանրապետությունում տվյալ և հաջորդ օրվա եղանակի կանախատեսումները, սպասվող վտանգավոր երևույթների վերաբերյալ նախազգուշացումները կարող եք ստանալ՝ զանգահարելով Երևան քաղաքի ֆիքսված հեռախոսահամարներից և բոլոր բջջային օպերատորներից 1-86 կարճ հեռախոսահամարին: Այս մասին հայտնում է Հիդրոօդերևութաբանության և մոնիթորինգի կենտրոնը։

«Հիշեցնենք, որ 1-86 կարճ համարով եղանակի կանխատեսման ավտոմատ հաղորդման ծառայությունը գործել է դեռևս 2009-2016թթ., որից կարողանում էր օգտվել միայն Երևան քաղաքի ազգաբնակչությունը։ Համաձայն վիճակագրության օրական ստացվում էր միջինում մոտ 2000, տարեկան մոտ 750.000 զանգ»,- նշվում է հաղորդագրության մեջ: