Հրաձգություն՝ ԱՄՆ-ում․ կան զոհեր

Արկանզաս նահանգի Ֆորդայս քաղաքում հրաձգություն է տեղի ունեցել։ Զոհերի թիվը հասել է 4-ի: Այս մասին հայտնում է Associated Press գործակալությունը՝ վկայակոչելով ոստիկանությանը։

«Հրաձգության հետևանքով բոլոր զոհվածները քաղաքացիական անձինք էին», - ասվում է ոստիկանության հայտարարության մեջ:

Գործակալության տվյալներով՝ ուրբաթ օրը մթերային խանութում տեղի ունեցած հրաձգության հետեւանքով 14 մարդ է վիրավորվել՝ «11 քաղաքացիական անձ, ոստիկանության երկու աշխատակից եւ կասկածյալ»:

Միջադեպի այլ մանրամասներ չեն հաղորդվում, Ոստիկանությունը հետաքննություն է իրականացնում: