Ասադի գտնվելու վայրը պաշտոնապես հաստատվեց

Վիեննայում միջազգային կազմակերպություններում Ռուսաստանի մշտական ներկայացուցիչ Միխայիլ Ուլյանովը հայտարարել է, որ Ռուսաստանն այս դժվարին պահին մենակ չթողեց Սիրիայի հեռացող նախագահ Բաշար ալ-Ասադին։

«Բաշար Ասադն ու նրա ընտանիքը Մոսկվայում են։ Ռուսաստանը դժվար իրավիճակներում չի դավաճանում ընկերներին», - Տելեգրամում գրել է Ուլյանովը։

Ավելի վաղ ռուսական ՌԻԱ «նովստին» գործակալությունը, հղում անելով Կրեմլի իր աղբյուրը, հաղորդել էր, որ Ասադը Մոսկվայում է և որ Ռուսաստանը Սիրիայի նախագահին ու նրա հարազատներին «ապաստան է տվել՝ հումանիտար նկատառումներով»: