Հասարակություն

Լուսաձայնային նռնակներ և արցունքաբեր գազ. բախումներ՝ Աթենքում

Vika B. 1 րոպե 244 դիտում

28.02.2025 16:46

Հունաստանի մայրաքաղաք Աթենքում, խորհրդարանի մոտ անարխիստների և ոստիկանության բախում է տեղի ունեցել: Այս մասին հաղորդում է ERDNews հեռուստաալիքը:

Բախումները տեղի են ունեցել զանգվածային հանրահավաքի ժամանակ։

Տասնյակ հազարավոր քաղաքացիներ ակցիա են իրականացնում 2 տարի առաջ երկաթուղային աղետի տարելիցի առթիվ:

Նշվում է, որ Աթենքում հանրահավաքի ժամանակ ոստիկանությունը լուսաձայնային նռնակներ է պայթեցնում և արցունքաբեր գազ կիրառում:

Բողոքի ակցիային մասնակցում են տարբեր տարիքի մարդիկ՝ պահանջելով արդարություն և ողբերգության պատճառների ամբողջական հետաքննություն, որոնցից շատերը երիտասարդներ են:

Զոհվածների թվում կան բազմաթիվ ուսանողներ, իսկ ուսանողական միավորումները ակտիվորեն մասնակցում են ցույցերին։