Այնպես չանցավ, ինչպես պետք էր. Զելենսկին՝ Թրամփի հետ վեճի մասին

Ուկրաինայի նախագահ Վլադիմիր Զելենսկին հայտարարել է ԱՄՆ նախագահ Դոնալդ Թրամփի հետ աշխատելու պատրաստակամության մասին՝ նշելով, որ ափսոսում է Սպիտակ տան Օվալաձև աշխատասենյակում տեղի ունեցած վիճաբանության համար։ Այս մասին Ուկրաինայի ղեկավարը գրել է X սոցիալական ցանցի իր էջում։

Զելենսկու խոսքով՝ անցյալ ուրբաթ՝ փետրվարի 28-ին, Թրամփի հետ հանդիպումը «այնպես չի անցել, ինչպես պետք է լիներ»։

Զելենսկին նաև հավելել է, որ պատրաստ է աշխատել Թրամփի հետ՝ խաղաղության հասնելու համար։ Նա նաև գրել է, որ «ժամանակն է ամեն ինչ շտկելու»։

Այնուամենայնիվ Զելենսկին իր գրառման մեջ ներողություն չի խնդրել ամերիկացի առաջնորդից, ինչպես ավելի վաղ պահանջել էր Սպիտակ տունը։