Ուկրաինայում Թրամփի առաջարկը թալան են անվանել

Ամերիկյան Financial Times թերթը հայտնել է, որ ուկրաինացի պաշտոնյաները սուր քննադատության են ենթարկել Ամերիկայի Միացյալ Նահանգների հետ հանքանյութի գործարքի փոփոխված պայմանները։

Հրատարակությունը պարզաբանել է, որ մոտ ապագայում գործարքը դժվար թե ստորագրվի։

«Ուկրաինայի բարձրաստիճան պաշտոնյաներն ասում են, որ առաջարկը կարող է խաթարել իրենց երկրի ինքնիշխանությունը, շահույթը դուրս բերել արտասահման և խորացնել Ուկրաինայի կախվածությունը ԱՄՆ-ից», - նշվում է զեկույցում։

Հոդվածի հեղինակի խոսքով՝ նոր նախագիծն արտացոլում է Ուկրաինայի տնտեսության եկամտաբեր հատվածների նկատմամբ վերահսկողությունը զավթելու՝ նախագահ Դոնալդ Թրամփի ջանքերի կտրուկ էսկալացիան։