Ուզում եմ, որ մենք ճանաչենք աշխարհը․ Նիկոլ Փաշինյան

Մենք աշխարհի ընկալման մեր սեփական բանաձևը չունենք. սա է պրոբլեմը. ԱԺ-ում հայտարարել է ՀՀ վարչապետ Նիկոլ Փաշինյանը։

«Չե՞ք տեսնում՝ ինչ են խոսում։ Այն ամեն ինչը, ինչ դնում են այստեղ, որևէ մեկը Հայաստանում ծնված ընկալում չէ, ամբողջը արտաքին խոսույթներից ծաղկաքաղ է, որը բերվում է այս ամբիոն և մատուցվում։ Մենք պարտավոր ենք առերեսվել այս խնդրի հետ։ Ընդդիմադիր պատգամավորն ասում է՝ ասեք, ի՞նչ եք ուզում մեր ժողովրդից։ Ես կարող եմ ասել. ուզում եմ, որ մենք ճանաչենք աշխարհը»,- ասել է Փաշինյանը։

Փաշինյանի խոսքով՝ մենք նման ենք մի մարդու, որ անընդհատ փողոց է դուրս գալիս՝ չիմանալով երթևեկության կանոններն ու շարունակ վթարի է ենթարկվում։