Քանի անչափահաս կա Հայաստանի մանկատներում

Հայաստանի մանկատներում ներկայումս գտնվում է 366 անչափահաս։ Այս մասին սեպտեմբերի 8-ին Ազգային ժողովի նիստում՝ Ընտանեկան օրենսգրքում փոփոխություններ և լրացումներ կատարելու մասին օրենքների փաթեթի և հարակից օրենքներում փոփոխությունների քննարկման ժամանակ, հայտարարել է ՀՀ աշխատանքի և սոցիալական հարցերի փոխնախարար Տաթևիկ Ստեփանյանը։

Նրանց մեծ մասը, ինչպես նշել է փոխնախարարը, ունի հաշմանդամության ծանր ձև։ «Նրանց որդեգրման դինամիկան վերջին տարիներին գրեթե չի փոխվել»,- ասել է Ստեփանյանը։

Ինչպես նշել է կառավարության ներկայացուցիչը՝ միջինում որդեգրվում է 25 երեխա։ Նրանցից մեկը կամ երկուսը՝ «միջազգային որդեգրման» շրջանակներում։ «Մեծամասամբ դրանք առողջական որոշակի խնդիրներ ունեցող երեխաներ են»,- հայտնել է փոխնախարարը։