Հայաստանում երրորդ երկրի ռազմական ներկայություն չի նախատեսվում. ԱԳՆ

ՀՀ ԱԳՆ մամուլի խոսնակ Աննա Նաղդալյանն այսօրվա ասուլիսի ժամանակ անդրադառնալով երկրում գտնվող ամերիկյան կենսաբանական լաբորատորիաների վերաբերյալ խոսակցություններին՝ նշեց, որ դրանք պատկանում են Հայաստանին, վերահսկվում են մեր կողմից, այնտեղ աշխատում են հայ փորձագետները, հետևաբար դրանք չեն կարող սպառնալիք լինել: Ինչ վերաբերում է լաբորատորիաների ռազմական գործոնին, Աննա Նաղդալյանը նշեց, որ դրանք բացառապես քաղաքացիական են, և ՀՀ-ն որևէ երրորդ երկրի հետ չի նախատեսում ռազմական ներկայություն ապահովել: