Սուրգուտ–Մոսկվա չվերթի ուղղությունը փոխած ուղևորը ձերբակալվել է

Սուրգուտ–Մոսկվա չվերթի ուղղությունը փոխած ուղևորն արդեն ձերբակալվել է։ Այս մասին հայտնում է TASS լրատվական գործակալությունը։ «Հանցագործը ձերբակալված է, նախնական տվյալներով՝ ձերբակալման ժամանակ ոչ ոք չի վիրավորվել », - ասել է լրատվականի աղբյուրը։ Հիշեցնենք՝ ավելի վաղ հայտնել էինք, որ ավիաչվերթի ուղևորներից մեկը թռիչքի ժամանակ պահանջել էր շրջել օդանավը և մեկնել Աֆղանստան։ Ինքնաթիռը դուրս էր եկել Սուրգուտի օդանավակայանից և ուղղվել Մոսկվայի «Շերեմետևո» օդանավակայան տեղի ժամանակով ժամը 14:55-ին։ Մեկ ժամ անց նա անհետացել էր FlightRadar24 կայքի քարտեզից, ճանապարհի կեսից ինքնաթիռի նշանը կարմրել է, դա նշանակում է, որ օդանավը ամենամեծ բարձրությունն է վերցրել։ Ավելի վաղ Ռեն ՏՎ–ն հայտնել էր, որ չվերթի ուղևորներից մեկը զինված է, նա պահանջել է փոխել երթուղին։