ԼՈՒՍԱՆԿԱՐՆԵՐ․ Մինասի «Գիշեր» որմնանկարը րոպե առաջ պետք է փրկել․ Ահազանգ

Հայ նշանավոր գեղանկարիչ Մինաս Ավետիսյանի «Գիշեր» որմնանկարը գտնվում է կործանման եզրին Գյումրիի կիսավեր գործարաններից մեկում: Այս մասին տեղեկանում ենք Մինաս Ավետիսյանի տուն-թանգարանի ֆեյսբուքյան էջից «Որմնանկարը գտնվում է հուշարձանների ցանկում և պահպանվում է պետության կողմից: Բայց փաստացի կարիք կա այն րոպե առաջ փրկելու: «Մինաս Ավետիսյան» մշակույթային հիմնադրամը բազմիցս բարձրաձայնել է սրա մասին, սակայն մինչ օրս միջոցներ չկան: Հիմնադրամը պատրաստ է առաջին իսկ հնարավորության դեպքում անցնել վերականգնման աշխատանքներին», - նշվում է թանգարանի ֆեյսբուքյան էջում։