Մակեդոնիան պաշտոնապես փոխել է երկրի անվանումը

Մակեդոնիայի կառավարությունը պաշտոնապես հայտարարել է, որ երկիրը անվանափոխվել է՝ Հյուսիսային Մակեդոնիայի Հանրապետության։ Այս մասին հայտնում է Bloomberg պարբերականը։ Ըստ այդ երկրի ԱԳ նախարար Նիկոլա Դիմիտրովի, դա պատմական իրադարձություն է, որը դրական է ազդելու նաեւ Հունաստանի հետ հարաբերությունների վրա։ «Մենք չենք կարող փոխել մեր անցյալը, սակայն կարող ենք եւ պետք է ստեղծենք ապագա, որը հիմնված է բարեկամության, գործընկերության եւ գործակցության վրա»,- ասել է նախարար Դիմիտրովը։ Արդեն իսկ սկսվել են պետական հաստատությունների ցուցատախտակների փոփոխությունը Մակեդոնիայում։