Հայերի համար Ղարաբաղի խնդիրը լուծված է. Գաջիև

Հայաստան այցելած ադրբեջանցի լրագրող, «Turan» ինֆորմացիոն գործակալության խմբագիր Խահին Գաջիևը պատմել է արցախյան հարցի շուրջ հայերի վերաբերմունքի մասին: «Հայաստանում մարդիկ քիչ են հետաքրքրվում քաղաքականությամբ: Ինչ վերաբերում է ղարաբաղյան հարցին, նրանք ընդունում են պետության դիրքորոշումը` Ղարաբաղը մերն է, և մենք այն չենք հանձնի: Հասարակությունում բանակցությունների հարցով էնտուզիազմ չկա, իրենք համարում են, որ հարցն արդեն իսկ որոշված է», — ասել է Հաջիևը` BBC ադրբեջանական ծառայությանը տված հարցազրույցում: Լրագրողը նաև հավելել է, որ երկու երկրների բնակիչներին խաղաղության պատրաստելու քննարկվող կոնցեպցիան դժվար իրականացվող է, քանի որ կողմերը միմյանց նկատմամբ վստահություն չունեն: