ՏԵՍԱՆՅՈՒԹ. Հակոբ Արշակյանը մայրաքաղաքի կենտրոնում թաքնված աղբավայր է գտել

Ինչպես արդեն հայտնել ենք, առավոտից հանրապետության ամբողջ տարածքում մեկնարկել են ՀՀ տարածքային կառավարման և զարգացման նախարարության կողմից նախաձեռնված համապետական մաքրության օրվա ակտիվ միջոցառումները: ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը իր ֆեյսբուքյան էջում տեսաուղերձ է հրապարակել. «Հերացի փողոցի սկզբնամասում աղբավայր ենք հայտնաբերել, սա ցույց տալը նպատակ ունի հետագայում Երևանում կանխարգելել այսպիսի երևույթները»: Նախարարը ասել է, որ իր կարծիքով այդ աղբը թափել է տնտեսվարողներից մեկը, քանի որ շատ շինարարական աղբ կա, այդ թվում` ավտոմեքենայի մասեր: Հակոբ Արշակյանը ասել է, որ մոտ 50 հոգով նոր կարողացել են վերացնել աղբավայրը: Նախարարը տեսաուղերձի վերջում բոլորին հորդորել է մաքուր պահել քաղաքը, դուրս գալ բակեր, փողոցներ և կատարել շաբաթօրյակի մաքրման աշխատանքներ: Մանրամասները՝ տեսանյութում: