Երևանցիների մի մասը 36 ժամով ջուր չի ունենա. նորից վթարվել է «Արզնի 1-Երևան» ջրատարը

Ինչպես հայտնում է «Վեոլիա ջուրը»` նորից Հրազդանի կիրճում վթար տեղի ունեցել «Արզնի 1 – Երևան» ջրատարը: Այդ ջրատարից սնուցվող Երևանի Արաբկիր, Կենտրոն և Էրեբունի վարչական շրջաններում սպառողների 4 տոկոսը 12.00-ից հետո զրկվել են ջրամատակարարումից։ Մնացած սպառողներն այս պահին ջուր են ստանում Կաթնաղբյուրից ու Գառնիից մղվող լրացուցիչ ջրաքանակի հաշվին։ Ջրամատակարարման ընդհատումը կարող է տևել մինչև 36 ժամ: Վթարի հիմնական պատճառն, ըստ ընկերության պաշտոնական հաղորդագրության, եղանակային պայմաններն են: Առատ անձրևներով պայմանավորված, ձորերում ու կիրճերում տեղի է ունենում հողի սահք, որի հետևանքով տեղաշարժվում են նաև այդ տարածքով անցնող խողովակաշարերը: Մասնագետները խոստանում են ընդհատված ջրամատակարարումը վերականգնել ապրիլի 2–ին, ժամը 24.00–ին։