Հունաստանի վարչապետը որոշել է արտահերթ խորհրդարանական ընտրություններ անցկացնել

Հունաստանի վարչապետ Ալեքսիս Ցիպրասը հայտարարել է երկրում արտահերթ խորհրդարանական ընտրություններ անցկացնելու մասին: Այս մասին հայտնում են եվրոպական ԶԼՄ-ները: Կառավարության ղեկավարը նման որոշում է ընդունել այն բանից հետո, երբ իր ղեկավարած կուսակցությունը Եվրախորհրդարանի ընտրություններում պարտություն կրեց: Ընտրությունների արդյունքների նախնական տվյալներով` երկրում 33.3 %-ով 1-ին տեղում է "Նոր դեմոկրատիա" ընդդիմադիր կուսակցությունը, այն դեպքում, երբ իշխող կուսակցությունը երկրորդ տեղում է 23.9 %-ով: Ցիպրասը նշել է, որ կսպասի Հունաստանի ՏԻՄ ընտրություններին, որոնք անցկացվելու են հունիսի 2-ին, ապա խնդրելու է երկրի նախագահին խորհրդարանական նոր ընտրությունների օր նշանակել: