Ադրբեջանից Հայաստան վերադարձված Զավեն Կարապետյանն ամբողջական բուժզննում է անցել

Ադրբեջանից Հայաստան վերադարձված Զավեն Կարապետյանն անցել է ամբողջական բժշկական զննում, ֆիզիկական վիճակը գնահատվել է բավարար։ Այս մասին լրատվամիջոցներին հայտնեց ԱԳՆ խոսնակ Աննա Նաղդալյանը: 

Ինչպես արդեն հաղորդել էինք, Կարապետյանին Կարմիր խաչի օգնությամբ Հայաստան են վերադարձրել երեկ` հունիսի 28-ին։ 

Հիշեցնենք, որ Հայաստանն ու Ադրբեջանը փոխանակել են 2019–ին մարտի 16-ին ՀՀ պետական սահմանն ապօրինի հատած Էլվին Արիֆ Օղլու Իբրահիմովին և 2017թ.-ի հունիսի 20-ին անհայտ պայմաններում Ադրբեջանի տարածքում հայտնված ՀՀ քաղաքացի Զավեն Կարապետյանին։ 
ՀՀ քաղաքացի Զավեն Կարապետյանը, որը մտավոր խնդիրներ ունի, մեծացել է մանկատանը, Ադրբեջանում էր հայտնվելªհատելով հայ-ադրբեջանական սահմանը Տավուշի ուղղությամբ։