Առաջիկա օրերին երթևեկության որոշակի սահմանափակումներ կլինեն «Կազբեգի-Վերին Լարս» հսկիչ անցակետի ուղղությամբ

«Կազբեգի-Վերին Լարս» հսկիչ-անցակետի (Վրաստանի եւ Ռուսաստանի սահման) ուղղությամբ օգոստոսի 7-9-ը տրանսպորտի երթեւեկության սահմանափակումներ կմտցվեն: Այդ մասին, ինչպես տեղեկացնում Է «Արմենպրես»-ը, ասված է Վրաստանի ավտոմոբիլային ճանապարհների դեպարտամենտի կայքում զետեղված հաղորդագրության մեջ:

Մցխեթ-Ստեփանծմինդա-Լարս միջազգային նշանակության ավտոմայրուղու (այսպես կոչված Ռազմավիրական ճանապարհ) 94-րդ տեղամասում գտնվող թունելում պլանավորվում է իրականացնել ասֆալտապատման վերականգնողական աշխատանքներ: 

Նորոգման աշխատանքների պատճառով այդ տեղամասում օգոստոսի 7-ին, 8-ին եւ 9-ին ժամը 09:00-ից մինչեւ 18:00-ն արգելվում է կցորդով եւ կիսակցորդով ավտոտրանսպորտի երթեւեկությունը: 

Մնացած ժամանակ ավտոտրանսպորտի երթեւեկությունն ազատ կլինի: