Վանաձորում կրակոցներից տուժած երիտասարդին ուղղաթիռով կտեղափոխեն Երևան

Ինչպես արդեն հայտնել ենք, քիչ առաջ Վանաձորում կրակոցներ են հնչել, ինչի հետևանքով մեկ անձ տեղափոխվել է Վանաձորի ԲԿ։

ArmDaily.am-ի հետ զրույցում Վանաձորի ԲԿ-ի տնօրեն Վահագն Մկրտչյանը հայտնեց, որ այսօր ժամը 12։20-ի սահմաններում իրենց մոտ է տեղափոխվել 27-ամյա երիտասարդ. «Վնասվածք ստացել է մարմնի տարբեր հատվածներում։ Վնասվել են փափուկ հյուսվածքները, ձախ աչքը, լյարդը, փայծախը, երիկամները»։

Հարցին՝ աչքը հեռացվել է՝ Մկրտչյանը պատասխանեց. «Ոչ, ուղղակի վնասվել է, հիմա ուղղաթիռով պետք է տեղափոխվի Երևան՝ Էրեբունի ԲԿ։ Մեր բժիշկները բոլոր ստուգումները պատշաճ արել են, երիտասարդի վիճակը կայունացրել են։ Երտասարդը լուրջ հրազենային վնասվածքներ է ստացել, կյանքին վտանգ սպառնում է»։