Իտալացիների և հայերի միջև շատ նմանություններ կան. Մխիթարյան

Հենրիխ Մխիթարյանը իտալական պարբերականներից մեկին տված հարցազրույցում  խոսել է Իտալիայում իր գտնվելու և առհասարակ իր տպավորությունների  մասին: Նա ասել է, թե լավ է զգում իրեն  Հռոմում, որը հրաշալի պատմություն ունի:

«Իտալացիների և հայերի միջև շատ նմանություններ կան։ Երկուսն էլ բավականին տաքարյուն են։ Անգլիական մռայլությունից հետո սա իսկական նվեր էր ինձ համար: Այստեղ կյանքը ավելի հանդարտ է, եղանակը՝ ավելի մեղմ: Երբ չեմ մարզվում, սիրում եմ ոտքով շրջել քաղաքում, այցելել փոքրիկ սրճարաններ»,- ասել է Մխիթարյանը:

Նա նաև նշել է, որ «Ռոմա» տեղափոխվելը  ճիշտ որոշում էր, քանի որ ինքը չէր մտնում «Արսենալ»-ի ծրագրերի մեջ: