Լոս Անջելեսից աշխարհի ամենաբարձր ծառի սերմերն են ուղարկել. Արթուր Իսպիրյան

«Լոս Անջելեսի մեր ընկերները, իմանալով, որ Երեւանում կանաչապատման աշխատանքներ են լինելու, փոքրիկ նվեր են ուղարկել՝ աշխարհի ամենաբարձր ծառի՝ սեքվոյայի սերմեր»,- այսօր Երեւանի ավագանու արտահերթ նիստի ավարտին հայտնեց «Իմ քայլը» խմբակցության անդամ Արթուր Իսպիրյանը՝ ցույց տալով սերմերի փոքրիկ տուփը: 

«Որպես հաջողության նշան՝ որոշեցի նվիրել Երեւանի քաղաքապետարանին»,- հավելեց նա: 

Ավագանու այսօրվա նիստի օրակարգում ընդգրկված հարցերից մեկը վերաբերում էր «Կանաչապատում եւ շրջակա միջավայրի պահպանություն» ՀՈԱԿ ստեղծելուն: Նախագիծն ավագանու հավանությանն արժանացավ: