Իրանի արևմուտքում քլորով բալոն է պայթել. Նվազագույնը 230 մարդ թունավորվել է

Նվազագույնը 230 մարդ է թունավորվել Իրանի արևմուտքում քլորով բալոնի պայթյունի հետևանքով: Այս մասին հայտնում է Известия-ն՝ հղում տալով Mehr գործակալությանը:

Ավելի վաղ հաղորդվում էր 120 տուժած բնակչի և նվազագույնը 106 հոսպիտալացվածի մասին:

«Բոլոր մարդկանց ընդհանուր վիճակը, բացի 6-ից, որոնք ասթմա ունեն, գնահատվում է բավարար, և 1 մարդ հոսպիտալացվել է ինտենսիվ թերապիայի բաժանմունք»,- ասել է Իրանի վթարափրկրարական ծառայության ներկայացուցիչ Մոջթաբա Խալեդին:

Դեպքը տեղի է ունեցել ուրբաթ Իլամ նահանգի Զանջիր բնակելի կետում: ISNA-ի տվյալներով՝ բալոնները գտնվելիս են եղել բեռնատարի թափքում, դրանցից մեկը պայթել է փոխադրման ժամանակ: