Բեյրութ. Փրկարարները ցավով տեղեկացնում են՝ ողջ մարդու հայտնաբերելու հույս այլևս չկա

Բեյրութում վերջին երեք օրում 50 փրկարար և կամավոր, այդ թվում՝ մասնագետների մի խումբ Չիլիից, փորձում էր ողջ մնացածի գտնել փլակատակների տակ այն բանից հետո, երբ հատուկ սենսորների միջոցով մասնագետներն այդ տեղանքում շնչառության ու տաքության նշաններ էին արձանագրել: Ինչպես հաղորդում է Reuters-ը, մի շինության փլատակների տակ արդեն երրորդ օրը որոնողական աշխատանքներ իրականացնող փրկարարները հայտնել են, որ մոտ մեկ ամիս առաջ որոտացած աղետալի պայթյունից հետո այժմ այստեղ որևէ ողջ մարդու հայտնաբերելու հույս այլևս չկա:  «Մենք երբեք չեն դադարեցնի աշխատանքները, եթե անգամ մեկ տոկոս հավանականություն լինի: Մենք երբեք կանգ չենք առնի, մինչև աշխատանքները լիարժեք չկատարվեն»,- նշել է փրկարարական խմբի ղեկավար Ֆրանչեսկո Լերմանդան: 
Հիշեցնենք, որ Լիբանանի մայրաքաղաք Բեյրութում հզոր պայթյուն էր որոտացել օգոստոսի 4-ին՝ նավահանգստում պահեստավորված ամոնիումի նիտրատի մեծ խմբաքանակի բռնկման պատճառով: Պայթյունի հետևանքով 190 մարդ է մահացել, հազարավորները՝ վիրավորվել, տասնյակ հազարավորները զրկվել են տանիքից: