ՀՀ-ում զինվորական ծառայությունից ազատվածները հնարավորություն կունենան ծառայության անցնել Քննչական կոմիտեում

Մենք փոփոխություններ ենք նախատեսում, որոնց համաձայն Քննչական կոմիտեում պաշտոնի կարող են նշանակվել այն անձինք, ովքեր նախկինում օրենքով սահմանված կարգով ազատվել են պարտադիր զինվորական ծառայությունից:

Այս մասին «Քննչական կոմիտեի մասին» օրենքում փոփոխություններ եւ լրացումներ կատարելու մասին» ՀՀ օրենքի նախագծի քննարկման ժամանակ ասաց ՀՀ քննչական կոմիտեի փոխնախագահ Արսեն Այվազյանը: Նրա խոսքով` գործող օրենսդրության համաձայն, Հայաստանում կա մարդկանց որոշակի խումբ, ովքեր օրինական հիմքերով ազատվել են զինվորական ծառայությունից:

Սակայն եթե նրանց առողջական վիճակը, ֆիզիկական կամ հոգեկան վիճակը խոչընդոտ չեն հանդիսանում Քննչական կոմիտեում աշխատելու համար, նրանց պետք է ծառայության անցնելու հնարավորություն տրվի: