Ունեցել ենք դեպք, երբ մեր հայրենակիցը նռնակով պայթեցրել է իրեն՝ թշնամու հետ միասին. Արայիկ Հարությունյան

Արցախի նախագահ Արայիկ Հարությունյանը այսօր լրագրողների հետ ճեպազրույցում նշեց, որ պատերազմի դաշտում 18-ամյա երիտասարդ տղա ունենք, ով հասցրել է խոցել 9 զրահատեխնիկա.«Ունենք առաջին պատերազմի մասնակից, ապրիլյանի մասնակից, մեզ մարտական ընկերներ, ովքեր 2 օրվա մեջ կարողացել են հակառակորդի 3 տեխնիկա առգրավվել և այսօր այն օգտագործում եմ թշնամու դեմ։ Ունենք հայրենակից ով նռնակները ուղարկել է թշնամու խրամատ, վնաս հասցրել հակառակորդին և պայթեցրել իրեն թշնամու հետ միասին։ Ունենք հայրենակից, ով ժամերի ընթացքում թողել է իր եվրոպական հաճելի կյանքը, իր ունեցվածքը և այսօր գտնվում է առաջնագծում»։