Հայտնի է Իրաքի նոր նախագահի անունը

Իրաքում կայացած նախագահական ընտրությունների երկրորդ փուլում հաղթել է Նիզար Ամիդին, որը առաջադրված էր Քրդստանի հայրենասիրական միության կողմից։ Նա ստացել է խորհրդարանականների մեծամասնության աջակցությունը։

Tasnim News գործակալության տվյալներով՝ երկրորդ փուլին մասնակցել է 249 պատգամավոր, և քվեարկությունն անցկացվել է փակ կարգով։ Ամիդիի հիմնական մրցակիցը «Քրդական իսլամական միություն» կուսակցության ներկայացուցիչ Մուսաննա Ամինն էր։

Արդյունքներով Ամիդին գերազանցել է մրցակցին և ընտրվել երկրի նախագահ։ Ընտրական գործընթացը տեղի է ունեցել Իրաքի խորհրդարանում՝ սահմանված կարգով։

Ավելի վաղ գործող նախագահ Աբդել Լատիֆ Ռաշիդը հայտարարել էր, որ չի մասնակցելու ընտրություններին՝ հնարավորություն տալով նոր թեկնածուներին։