Արցախում սպանվել է սիրիացի ահաբեկիչ Խալեդ Ալ-Ջասիմը

Թուրքիայի աջակցությունը վայելող սիրիացի վարձկան Խալեդ Ալ-Ջասիմը, ով մեղադրվում է Լիբիայում ռազմական հանցագործություններ կատարելու մեջ, սպանվել է Արցախում։ Այս մասին հայտնում է addresslibya.net-ը։

Ջասիմը, ով հանդիսանում է «Սուլթան Սուլեյման Շահ» խմբավորման առաջատար ֆիգուր, սպանվել է իր զինակից-ընկերների կողմից անձնական տարաձայնությունների պատճառով, գրում է պարբերականը՝ հղում անելով խմբավորման ներսում ունեցած իր աղբյուրներին։

Ալ-Ջասիմը եղել է հազարավոր սիրիացի վարձկանների թվում, որոնց Թուրքիան վճարել էր ու զինել Լիբիայի ազգային բանակի դեմ պայքարի համար՝ 2019-2020 թթ Արևմտյան Լիբիայում ռազմական արշավի ժամանակ։

Նրան մեղադրում են Տրիպոլիի բանտերում մի շարք լիբիացիների սպանության մեջ։