Տավուշի մարզում վնասել են Բերդավանում տեղադրված արագաչափը. ոստիկանները կարծել են ապրիլմեկյան կատակ է. SHAMSHYAN

SHAMSHYAN.com-ի տեղեկություններով՝ երեկ՝ ապրիլի 1-ին, ոստիկանության Նոյեմբերյանի բաժին է դիմել Իջևան քաղաքի բնակիչ Աշոտ Մատինյանը, ով հայտնել է, որ ժամը 04:00-ի սահմաններում նկատել է, որ դեռևս չպարզած հանգամանքներում անհայտ անձը կամ անձինք վնասել են արագաչափ սարքը:  Ինչպես հայտնում է ֆոտոլրագրող Գագիկ Շամշյանը, արագաչափը տեղադրված է եղել Նոյեբերյան համայնքի Բերդավան բնակավայրի վարչական տարածքում և սարքը պատկանում է «Էլիպս ՋԻԷՅ» ՍՊԸ-ին:  Գ. Շամշյանի տեղեկություններով՝ վնասվել է արագաչափ սաքի  2 ապակիներն ու ֆիլտրը:  Փաստի առթիվ ոստիկանության Նոյեմբերյանի բաժնի հետաքննության բաժանմունքում նյութեր են նախապատրաստվում:   Երբ Ա. Մատինյանը ահագանգել է ոստիկանություն, այնտեղ կարծել են, թե նա ապրիլմեկյան կատակ է անում, սակայն ժամանելով նշված վայր, պարզել են,  որ ամեն ինչ լուրջ է: