Թուրքիայում վթարի հետևանքով ռուս զբոսաշրջիկ է մահացել

Թուրքիայում տեղի ունեցած ավտովթարի հետևանքով մահացել է մեկ ռուս զբոսաշրջիկ, կա 26 տուժած: Այս մասին հայտնում է РИА Новости-ն։ 

Նշվում է, որ դեպքը տեղի է ունեցել ապրիլի 10-ին, տեղի ժամանակով ժամը 09:30-ին: 

«Կոնյա-Ակսարայ մայրուղում ավտոբուսի մասնակցությամբ ճանապարհատրանսպորտային պատահար է տեղի ունեցել: Ավտոբուսը Կապադովկիա էր տեղափոխում 32 ռուս զբոսաշրջիկից կազմված խումբը, ովքեր գտնվում էին Անթալիայում»,- նշել են հյուպատոսությունից:
 

Նախնական տվյալներով ավտոբուսի վարորդը կորցրել է ղեկի կառավարումը՝ եղանակային պայմանների պատճառով առաջացած մերկասառույցի հետևանքով:
 

Տուժածները անմիջապես հասցվել են մոտակա բժշկական կենտրոններ, նրանց ցուցաբերվել է բժշկական օգնություն: