Արծրուն Հովհաննիսյանը նոր աշխատանքի կանցնի. ArmLur. am

ՀՀ ՊՆ նախկին խոսնակ Արծրոն Հովհաննիսյանը առաջիկայում նոր աշխատանքի կանցնի ՀՀ Ազգային ժողովում: Մեր ղբյուրները փոխանցում են, որ նա ԱԺ-ում նշանակվելու է ԱԺ Պաշտպանության, ազգային անվտանգության և ներքին գործերի մշտական հանձնժողովում՝ որպես փորձագետ: Այս տեղեկությունը ArmLur.am-ը փորձեց ճշտել Արծրուն Հովհաննիսյանից:
 

«Չեմ մեկնաբանում ձեր տեղեկությունը»,- ի պատասխան ասաց Հովհաննիսյանը: Այսինքն՝ ըստ էության նա ոչ հերքեց, ոչ էլ՝ հաստատեց ArmLur.am-ի տեղեկությունը: Հավելենք, որ մեզ հասած լուրերի համաձայն, Արծրուն Հովհաննիսյանի նշանակման հարցը լուծված է՝ մնացել են տեխնիկական հարցերը, և նա ԱԺ-ում աշխատանքի կանցնի: 

Չի բացառվում որևէ կարգավիճակով ներգրավվի նաև 44-օրյա պատերազմի հանգամանքներն ուսումնասիրող ստեղծվելիք հանձնաժողովի աշխատանքներին։