Քաղաքականություն

«Բանակի հետ կապված մի դրվագ եմ վերջերս անընդհատ հիշում․․ պատերազմի ամենաթեժ օրերն էին»․ Գայանե Աբրահամյան

Unknown 1 րոպե 241 դիտում
«Բանակի հետ կապված մի դրվագ եմ վերջերս անընդհատ հիշում․․ պատերազմի ամենաթեժ օրերն էին»․ Գայանե Աբրահամյան

 

ԱԺ նախկին պատգամավոր Գայանե Աբրահամյանի գրառումը. «Բանակի հետ կապված մի դրվագ եմ վերջերս անընդհատ հիշում։ Պատերազմի ամենաթեժ օրերն էր, Մարտունիի դիրքերում էի, անհրաժեշտ իրերը փոխանցելուց հետո, տղաներին հրաժեշտ տալիս մեկը բղավեց. էդ ֆեյսբուքյան ֆիդայիներին ասեք, թող գոնե մի ժամ գան ստեղ` հետո նոր մեղադրեն, թե չենք կարողացել պահել Ջաբրայիլը... սիրտս նվաղեց, էդ օրերին բնորոշ արցունքն ու ծիծաղը խառնեցինք ու անցանք։
Նույն տղային տեսա պատերազմից հետո, հիվանդանոցում, ծանր վիրավորում ուներ, բայց արդեն վերականգնվում էր, ինքն ինձ հիշեց ու հանդիմանեց. «չգրեցիք էդպես էլ ու մեզ մեղադրում են, մահացածները բոլորն անխտիր հերոս են, իսկ մեզ` չզոհվածներիս, ոչ մեկը չի էլ հիշում, մեզ միայն մեղադրում են...
Բանակը մեր կենացների ու պաթոսախեղդ գրառումների կարիքը չունի, բանակը մեր ամենօրյա աշխատանքի, ինստիտուցիոնալ բարեփոխումների, վերականգնմանը մեր աջակցության կարիքն ունի։ Հատկապես հիմա անտանելի են կեղծ դիֆերամբները:
Պատերազմը ցույց տվեց, չնայած մինչ այդ էլ շատերս հստակ գիտակցում էինք, որ Հայոց բանակն է մեր անվտանգության ՄԻԱԿ երաշխավորը ու այսօր մեր բանակի վերականգնումն ու արմատական բարեփոխումը գերխնդիր է` օրհասական կարևորության»։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (445) Միջազգային (365) Իրան (361) ԱՄՆ (335) Երևան (173) Իսրայել (149) Ռուսաստան (73) Եվրոպա (67) Թրամփ (60) Ադրբեջան (50) Վարչապետ (43) Եղանակ (42) Փաշինյան (41) Թուրքիա (33) Ուկրաինա (32)

Radio Aurora

Լսել Radio Aurora

Գովազդային տարածք

300x250