Կանչով հիվանդի մոտ մեկնող շտապօգնության ավտոմեքենան վթարի է ենթարկվել. բուժքույրը տեղափոխվել է հիվանդանոց

 Այսօր՝ փետրվարի 25-ին, ավտովթար է տեղի ունեցել Կոտայքի մարզում: Ժամը 10:10-ի սահմաններում Չարենցավան քաղաքի  Տերվիշյան-Երիտասարդության փողոցների խաչմերուկում բախվել են Կոտայքի մարզի բնակիչներ, 50-ամյա Նվեր Ղուլյանի վարած Mazda 6 մակնիշի և 60-ամյա Սեյրան Ղարաբաղցյանի վարած  Jinbei  մակնիշի շտապօգնության ավտոմեքենաները:

 Ինչպես հայտնում է Shamshyan.com-ը, վթարի հետևանքով շտապօգնության ուղևորուհի, Կոտաքի մարզի բնակիչ, 43-ամյա Գոհար Երիցյանը մարմնական վնասվածքներով տեղափոխվել է «Չարենցավան» բժշկական կենտրոն: 

Լրատվականի տեղեկություններով՝ վիրավոր Գ. Երիցյանն աշխատում է «Չարենցավան» բժշկական կենտրոնում՝ որպես բուժքույր և կանչով շտապօգնության ավտոմեքենայով մեկնում էր հիվանդի մոտ: