Նեթանյահուն՝ արաբական երկրների հետ գաղտնի շփումների մասին

Իսրայելի վարչապետ Բենիամին Նեթանյահուն հայտնել է, որ նախկինում գաղտնի բանակցություններ է վարել արաբական մի շարք երկրների ղեկավարների հետ՝ քննարկելով Իրանի կողմից հնարավոր վտանգները։ Այդ մասին նա խոսել է «12 ալիքի» լրագրող Ամիտ Սեգալին տված մեկնաբանությունում։

Նեթանյահուի խոսքով՝ Իսրայելը ձևավորում է համագործակցություն այնպիսի արաբ պետությունների հետ, որոնք պատրաստ են համատեղ դիմակայել Իրանին։ Նա նշել է, որ այդ համագործակցությունը հիմնված է ընդհանուր անվտանգության շահերի վրա։

Վարչապետը նաև ընդգծել է, որ նախկինում արաբ առաջնորդների հետ ունեցած փակ հանդիպումների ընթացքում զգուշացրել է նրանց Իրանի հնարավոր գործողությունների մասին՝ նշելով, որ Թեհրանը կարող է փորձել տապալել այդ երկրների իշխանությունները։ Նրա խոսքով՝ այն ժամանակ այդ վտանգը լիարժեք չէր ընկալվում։

Միաժամանակ Նեթանյահուն նշել է, որ ներկայում իրավիճակը փոխվել է, և այդ պետությունները, ըստ նրա, ավելի հստակ են գնահատում Իրանից բխող ռիսկերը և պատրաստ են համագործակցության անվտանգության ոլորտում։