Երևանի հիվանդանոցներում վճարումները կլինեն միայն անկանխիկ․ հայտնի է՝ երբ կսկսի գործել որոշումը

Լրագրողների հետ հանդիպմանը Կենտրոնական բանկի նախագահի տեղակալ Հովհաննես Խաչատրյանը հայտնեց, որ Երևանի հիվանդանոցներում հուլիսի 1-ից վճարումները կլինեն միայն անկանխիկ։

Մեկ տարի անց այս օրենքը կգործի նաև մարզերում գործող հիվանդանոցներում։

ԿԲ փոխնախագահն ասաց, որ, իրենց տեղեկություններով, բոլոր բուժհաստատություններն ունեն այս հնարավորությունը, իսկ նրանք, ովքեր այս պահի դրությամբ դեռ POS տերմինալ կամ այլ կերպ վճարումներ ստանալու հնարավորություն չունեն, պատրաստվում են միանալ այդ հնարավորությանը։

«POS-տերմինալներ բոլորն ունենալու են, ուղղակի, եթե հաճախորդն այդպես չցանկանա վճարել կամ այլ անկանխիկ վճարման եղանակով ցանկանա վճարել, ասենք, դրամապանակներով, դա էլ է նորմալ», - ասել է Խաչատրյանը։