Իտալիայում Էթնա հրաբխի վրա հրշեջ ինքնաթիռ է կործանվել

Իտալական Սիցիլիայում հրշեջ ինքնաթիռ է կործանվել Էթնա հրաբխի վրա: Այս մասին հայտնել է  տեղական la Sicilia թերթը:

Նշվում է, որ ինքնաթիռը զբաղվում էր հարևան Կատանիա քաղաքի տարածքում բռնկված հրդեհի մարմամբ։ 

Ողբերգությունը տեղի է ունեցել, երբ ինքնաթիռը վերադարձել է կրակը հանգցնելու համար անհրաժեշտ ջրի ետևից։ Ականատեսները հայտնել են, որ ինքնաթիռի ընկնելուց հետո պայթյուն են տեսել։ Շտապ օգնության ծառայությունները տեղում են։ Corriere del Mezzogiorno թերթի տվյալներով՝ աղետի զոհ են դարձել ինքնաթիռում գտնվող անձնակազմի երկու անդամները։