Կամչատկա թերակղզու հարևանությամբ ուժգին երկրաշարժ է գրանցվել. ինչ են հաղորդում ՌԴ գիտնականները

Խաղաղ օվկիանոսի Կուրիլյան կղզիներում, որը գտնվում է Հոկայդո կղզու և Կամչատկա թերակղզու միջև, գրանվել է մոտ 5,8 մագնիտուդ ուժգնությամբ երկրաշարժ։ Այս մասին հաղորդվում է ՌԴ գիտությունների ակադեմիան երկրաֆիզիկական ծառայության Կամչատկայի մասնաճյուղի կայքում։ Փոխանցում է Gazeta.ru-ն։

Կամչատկայի երկրաֆիզիկոսների տվյալներով՝ երկրաշարժը տեղի է ունեցել Կամչատկայի ժամանակով 18:45-ին (Մոսկվայի ժամանակով 9:45-ին):

«Խորությունը՝ 42 կմ, մագնիտուդը՝ 5,8»,- նշվում է կայքում։

Հաղորդվում է, որ երկրաշարժի աղբյուրը գտնվում է Սևերո-Կուրիլսկից 189 կմ հեռավորության վրա։