Ադրբեջանից մարդ են նշանակել, որ բանակցի Արցախի հայերի հետ

Ադրբեջանի իշխանությունները հերթական սադրիչ քայլն են կատարել։ Ինչպես հայտնում են ադրբեջանական լրատվամիջոցները, Միլի Մեջլիսի պատգամավոր Ռամին Մամեդովը կբանակցի Արցախի հայերի հետ: 

Ըստ հաղորդագրության` Մամեդովը նշանակվել է  Ղարաբաղի շրջանում բնակվող հայ բնակիչների հետ կապերի պատասխանատու։

Հաղորդվում է, որ նա իշխող «Նոր Ադրբեջան» կուսակցության վարչության անդամ է: Ծանոթանալով նրա կենսագրությանը`  պարզ է դառնում, որ ամեն ինչ չէ, որ ճշմարիտ է: Նշվում է, որ պատգամավորը ծնվել է «Ադրբեջանի Ղարաբաղի շրջանում»:  

Նշում են, որ 1985-1992 թվականներին սովորել է Շուշի քաղաքի թիվ 2 միջնակարգ դպրոցում, սակայն քաղաքը հայերի կողմից գրավելուց հետո, ուսումը շարունակել է Բաքվում։

Հատկանշական է, որ արբեջանական լրատվամիջոցները, իշխանությունները շարունակելով իրենց ներքին լսարանին ապակողմնորոշելու քայլերը՝ նշում են, թե Արցախը Ադրբեջանի շրջաններից մեկն է։ 

Նշենք, որ Արցախը Ադրբեջանի մաս է միայն ադբեջանական կողմի համար: Փաստենք, որ սա երևակայական նշանակում է: