Թեհրանն ավարտել է Ռուսաստանից Սու-35 ինքնաթիռների գնման պայմանագրի ստորագրման գործընթացը

Իրանը հայտարարել է Ռուսաստանից Սու-35 կործանիչներ գնելու մասին:

Տեղեկությունը տարածել է ՄԱԿ-ում Իրանի առաքելությունը, որը հայտարարել է, որ Թեհրանն ավարտել է Ռուսաստանից Սու-35 ինքնաթիռների գնման պայմանագրի ստորագրումը։

Իրանական առաքելությունը հավելել է, որ Սու-35 կործանիչները տեխնիկական հավանության են արժանացել Թեհրանի կողմից։ Առաքելությունը չի հայտնում, թե երբ և քանի կործանիչ կմատակարարվի Ռուսաստանից Իրան:

«Մանրամասները չեն բացահայտվել, քանի որ այդ տեղեկատվությունը գաղտնի է», - նշել են առաքելության ներկայացուցիչները։