Մարտունիում հրադադարի ռեժիմի երկու խախտում է գրանցվել. ՌԴ ՊՆ

Լեռնային Ղարաբաղի Մարտունու շրջանում արձանագրվել է հրադադարի ռեժիմի երկու խախտում։ Այս մասին տեղեկանում ենք ՌԴ ՊՆ ամենօրյա տեղեկագրում։

Նշվում է, որ դեպքի հետևանքով տուժածներ չկան։ Ռուսական խաղաղապահ զորակազմի ուժերը փաստի առնչությամբ ադրբեջանական և հայկական կողմերի հետ քննություն են անցկացնում։

Խաղաղապահները երեք երթուղիներով պարեկություն են իրականացրել Մարտունու, Մարտակերտի շրջաններում և Լաչինի միջանցքում։

Խաղաղապահները նաև Հայաստանից Ստեփանակերտ են ուղեկցել մարդասիրական բեռներով ևս մեկ ավտոշարասյուն։