Կայացել է Միրզոյան-Բայրամով երկկողմ հանդիպումը

Վաշինգտոնի մերձակա Արլինգթոնում մեկնարկել են Հայաստանի և Ադրբեջանի արտգործնախարար Արարատ Միրզոյանի և Ջեյհուն Բայրամովի երկկողմ բանակցությունները: Լուսանկարները Թվիթերում տարածել է Ադրբեջանի արտաքին գերատեսչությունը։
 

Ըստ ադրբեջանական կողմի՝ քննարկումների օրակարգում է Հայաստանի ու Ադրբեջանի միջև խաղաղության և միջպետական հարաբերությունների հաստատման մասին երկկողմ համաձայնագրի նախագիծը։
 

Մինչ այս տեղի է ունեցել Միրզոյան-Բլինքեն-Բայրամով եռակողմ հանդիպումը:
 

Այսօր ավելի վաղ Հայաստանի արտգործնախարարը հանդիպում է ունեցել ԱՄՆ պետքարտուղար Էնթոնի Բլինքենի հետ: Նրանք քննարկել են տարածաշրջանային անվտանգությանն ու կայունությանը, Հայաստանի և Ադրբեջանի միջև հարաբերությունների կարգավորման գործընթացի վերաբերյալ հարցեր։