Մոսկվայում այրել են GLONASS-ի գլխավոր դիզայների մեքենան

Մոսկվայի հյուսիս-արևմտյան Ստրոգինո թաղամասի Իսակովսկու փողոցում երկու անհայտ անձինք հրկիզել են Toyota Land Cruiser-ը, որը պատկանում էր Գլոբալ նավիգացիոն արբանյակային համակարգի (GLONASS) գլխավոր դիզայներ Վալերի Բաբակովին: Այս մասին հայտնի է դարձել Shot Telegram ալիքին։

Աղբյուրի փոխանցմամբ՝ դեպքը տեղի է ունեցել երեքշաբթի լույս սեպտեմբերի 5-ի գիշերը փակ ավտոկայանատեղիում։ Հրկիզողները դեպքի վայրից փախել են՝ ցատկելով ցանկապատի վրայով։

Կրակը տարածվել է Բաբակովի մեքենայի կողքին կանգնած Mazda-ի ու BMW-ի վրա։Դրանք վնասվել են։

Դեպքի վայր ժամանած շտապօգնությունը մարել է հրդեհը։ Տուժած մեքենայի սեփականատերը Navis նախագծային բյուրոյի գլխավոր տնօրենն է, ձեռնարկություն, որը արտադրում է GLONASS, GPS, GALILEO-ի և դրանց ֆունկցիոնալ հավելումների սարքավորումները, պարզել է հրատարակությունը։