Գոռ Սահակյանը՝ բրոնզե մեդալակիր․ Հայաստանն առաջին մեդալն է նվաճել ծանրամարտի աշխարհի ընթացիկ առաջնությունում

Սաուդյան Արաբիայում ընթացող ծանրամարտի աշխարհի առաջնությունում Եվրոպայի չեմպիոն 20-ամյա Գոռ Սահակյանը դարձավ բրոնզե մեդալակիր։ Այս մասին տեղեկանում ենք ծանրամարտի միջազգային ֆեդերացիայի պաշտոնական կայքից։ 

Սահակյանը երկամարտում գրանցել է 312 կգ արդյունք։ Պոկում վարժությունում նա 3-րդ փորձից բարձրացրել է 142կգ ծանրաձողը՝ նվաճելով փոքր արծաթե մեդալ։ Հրում վարժությունում նա կրկին 3-րդ փորձից կարողացել է բարձրացնել 170կգ ծանրաձողը։

Սա Հայաստանի առաջին մեդալն է ծանրամարտի աշխարհի ընթացիկ առաջնությունում։