Իրանում երկրաշարժ է գրանցվել

Նոյեմբերի 26-ին Իրանի Հորմոզգան նահանգում 4,2 մագնիտուդ ուժգնությամբ երկրաշարժ է տեղի ունեցել, հայտնում է Mehr գործակալությունը։

Իրանի սեյսմոլոգիական կենտրոնի տվյալներով՝ երկրաշարժը տեղի է ունեցել Հորմոզգան նահանգի մայրաքաղաք Բանդար Աբբաս քաղաքից 54 կմ հյուսիս-արևմուտք։ Ցնցումը գրանցվել է տեղական ժամանակով 14:15-ին։

Երկրաշարժի էպիկենտրոնի ստույգ վայրը երկայնության 55,74 աստիճան է, լայնությանը՝ 27,1 աստիճան։ Երկրաշարժի աղբյուրը գտնվել է 20 կմ խորության վրա։

Հնարավոր զոհերի կամ շենքերի ավերածությունների մասին առայժմ տեղեկություններ չկան: