Ուժեղ երկրաշարժ՝ Թուրքիայում

Թուրքիայի արևմուտքում երկրաշարժ է տեղի ունեցել, ստորգետնյա ցնցումները զգացվել են Ստամբուլի եվրոպական հատվածում։ Այս մասին հայտնում է ՌԻԱ Նովոստին։

Առնվազն երեք ցնցում է զգացվել տեղական ժամանակով 10:43-ի սահմանում:

Թուրքիայի Աղետների կառավարման վարչության սեյսմոլոգների տվյալներով՝ երկրաշարժի ուժգնությունը կազմել է 5,1 մագնիտուդ, էպիկենտրոնը գտնվել է Բուրսա նահանգի Մուդանյա քաղաքի մոտ, իսկ օջախը՝ 5 կմ խորության վրա։

Վիրավորների և փլուզումների մասին տեղեկություն չկա։