ՏԵՍԱՆՅՈՒԹ․ Թրամփը հրապարակել է սպանության կադրեր

ԱՄՆ նախագահ Դոնալդ Թրամփը հրապարակել է Ֆլորիդայում տեղի ունեցած կնոջ սպանության տեսագրությունը։ Սոցցանցային գրառման մեջ նա հայտարարել է, թե հարձակման մեջ կասկածվող անձը Հաիթիից ժամանած անօրինական միգրանտ է, որը, իր պնդմամբ, մնացել էր ԱՄՆ-ում Ջո Բայդենի վարչակազմի որոշումների պատճառով։

Թրամփը գրել է, որ կասկածյալը «մուրճով սպանել է անմեղ կնոջը» բենզալցակայանում և այս դեպքը ներկայացրել  քննադատության ևս մեկ օրինակ՝ ուղղված Բայդենին և Կոնգրեսի դեմոկրատներին։ Նա նախկին նախագահին անվանել է «պատմության վատագույն նախագահ» և կրկնել, որ դեմոկրատների վարած միգրացիոն քաղաքականությունը վտանգ է ստեղծել երկրի համար։

Հավելենք՝ դեպքի հանգամանքների, կասկածյալի կարգավիճակի և գործի ընթացքի վերաբերյալ վերջնական գնահատականները պետք է հիմնվեն իրավապահ մարմինների և դատարանի պաշտոնական տեղեկությունների վրա։