ՏԵՍԱՆՅՈՒԹ․ Իսլանդիայի հրաբուխը կրկին ժայթքել է․ կադրեր են հրապարակվել

Իսլանդիայի հարավ-արևմուտքում գտնվող Ռեյկյանես թերակղզում փետրվարի 8-ի առավոտյան հրաբխի ժայթքում է սկսվել: Համացանցում կադրեր են հրապարակվում։ 

«Առավոտյան ժամը 05.30-ին ինտենսիվ ոչ մեծ երկրաշարժ է սկսվել Սիլինգարֆելից (գագաթ Իսլանդիայի հարավ-արևմուտքում) դեպի հյուսիս-արևելք: Մոտավորապես 30 րոպե անց նույն շրջանում ժայթքում է սկսվել», - ասվում է Իսլանդիայի օդերևութաբանական վարչության (IMO) հայտարարության մեջ:

Տարբեր հարթակներում հրապարակված լուսանկարներում ու տեսանյութերում երևում է, որ խառնարանից լավա է հոսում՝ լուսավորելով գիշերային երկինք բարձրացող ծխի սյունը։