Առկա տեմպերով մինչև 2050 թվականը ծովերում ավելի շատ պլաստիկ կլինի, քան ձուկ․ Լևոն Ազիզյան

Ամեն տարի մարդկությունն արտադրում է 300 միլիոն տոննա պլաստիկ թափոն, այդ թվում՝ 11 միլիոն տոննա, որը վերջիվերջո հայտնվում է օվկիանոսում:

Նման տեմպերի պարագայում մինչև 2050 թվականը ծովերում ավելի շատ պլաստիկ կլինի, քան ձուկ: Այս մասին Ֆեյսբուքի իր էջում գրառում է արել «Հիդրոօդերևութաբանության և մոնիթորինգի կենտրոն»-ի տնօրեն Լևոն Ազիզյանը։

«Մենք բոլորս մեր դերն ունենք շրջակա միջավայրի պահպանության գործում՝ հրաժարվելով պլաստիկ արտադրանքից, օգտագործելով բազմակի օգտագործման ապակե ջրի շշեր, տանելով գնումների կտորե պայուսակներ:

Յուրաքանչյուրիս պարտականությունն է հոգ տանել մեր Երկիր մոլորակի մասին, սիրել ու գնահատել այն»,-գրել է նա: