Հայաստանը պետք է հրաժարվի Ադրբեջանի նկատմամբ տարածքային պահանջներից․ Բայրամով

Ադրբեջանի արտաքին գործերի նախարար Ջեյհուն Բայրամովը Թուրքիայի Հանրապետության արտաքին գործերի նախարարի տեղակալ Յասին Էքրեմ Սերիմին տեղեկացրել է Ադրբեջանի և Հայաստանի միջև խաղաղ գործընթացի ուղղությամբ ձեռնարկված վերջին քայլերի մասին: Այս մասին հայտնում են ադրբեջանական լրատվամիջոցները։

Նա ընդգշել է «Հայաստանի կողմից Ադրբեջանի տարածքային ամբողջականության և ինքնիշխանության նկատմամբ հավակնություններից հրաժարվելու կարևորությունը՝ տարածաշրջանում խաղաղության և կայունության հաստատման համար»: